from 0 review
9D 8N
Specific Tour
1 person
English, Myanmar
ရေခဲပြင်ဖွေးဖွေးလေးတွေနဲ့ သဘာဝအလှတရားတွေကို မြင်တွေ့ခံစားရမယ့် (၈ ညအိပ် ၉ ရက်) ဖုန်ကန်ရာဇီရေခဲတောင်ခရီးစဉ်ကို တောင်တက်သမားမဟုတ်ပဲ အပျော်လေ့လာရေးသွားချင်သူတွေ၊ ရေခဲတောင်တွေ့ဖူးချင်သူတွေနဲ့ အတွေ့အကြုံမရှိသေးတဲ့သူတွေအတွက် စိတ်ချလုံခြုံမှုရှိစေရန် အကောင်းဆုံးစီစဉ်ထားပါတယ်။
ရန်ကုန် - ပူတာအို
နံနက် (၁၀:၂၅) နာရီ ခန့်တွင် ရန်ကုန်မြို့ မှ ပူတာအိုသို့ ပြည်တွင်းလေကြောင်းလိုင်းဖြင့် စတင်ထွက်ခွာပါမယ်။ နေ့လည် (၁၄:၀၀) နာရီခန့်တွင် ပူတာအိုမြို့သို့ ရောက်ရှိပြီး ဟိုတယ်သို့ Check-in ဝင်ပါမယ်။ ညစာကို ဟိုတယ်တွင်သုံးဆောင် ပြီးနောက် အေးချမ်းစွာအိပ်စက် အနားယူပါမယ်။
ပူတာအို - ဇီယာဒမ်းကျေးရွာ
နံနက်စာ ကို ဟိုတယ်တွင် သုံးဆောင်ပြီးနောက် ရေခဲတောင်တက်ခရီးစဉ်ကို စတင်ပါမယ်။ ပူတာအိုမြို့မှ ၁၂၅ ဆိုင်ကယ်ဖြင့် ဇီယာဒမ်းကျေးရွာသို့ ၃၁ မိုင် ခရီးမောင်နှင်ကာ ရွာအိမ်တွင် ညအိပ်အနားယူမှာဖြစ်ပါတယ်။
ဇီယာဒမ်းကျေးရွာ - သစ်ပင်ကြီးတောတွင်းစခန်း
နံနက်စာကို ညအိပ်ရွာအိမ်တွင် သုံးဆောင်ပြီး သစ်ပင်ကြီးတောတွင်းစခန်းသို့ လမ်းလျှောက်ခရီးဆက်ကြပါမယ်။ (လမ်းလျှောက် ၇ မိုင်/ ကြာချိန် ၇ နာရီခန့်/ အမြင့်ပေ ၇၀၀၀) သစ်ပင်ကြီးတောတွင်းစခန်းတွင် မိုးကာတဲထိုးပြီး ညအိပ်ပါမယ်။
သစ်ပင်ကြီးတောတွင်းစခန်း - ခမ်းသောက်မြစ်
သစ်ပင်ကြီးတောတွင်းစခန်း မှ ခမ်းသောက်မြစ်စခန်းသို့ ခက်ခဲသောတောင်တက်တောင်ဆင်း ၇ မိုင်/ လမ်းလျှောက်ချိန် ၆ နာရီ/ အမြင့်ပေ ၁ သောင်းခန့် သွားကြရပါမယ်။ ခမ်းသောက်မြစ်စခန်းတွင် ညအိပ်အနားယူပါမယ်။
ခမ်းသောက်မြစ် - တောင်ခြေရေခဲစပ်စခန်း
ခမ်းသောက်မြစ်စခန်း မှ ဖုန်ကန်ရာဇီတောင်ခြေ ရေခဲစပ်စခန်း သို့ တောင်တက် ၅ မိုင်/ လမ်းလျှောက်ချိန် ၅ နာရီ / အမြင့်ပေ ၁ သောင်းခန့် သွားကြရပါမယ်။ ဖုန်ကန်ရာဇီတောင်ခြေ ရေခဲစပ်စခန်းတွင် ညအိပ်အနားယူပါမယ်။
တောင်ခြေရေခဲစပ်စခန်း - ဖုန်ကန်ရာဇီတောင်ထိပ် - တောင်ခြေရေခဲစပ်စခန်း - ခမ်းသောက်မြစ်
ဖုန်ကန်ရာဇီတောင်ခြေ ရေခဲစပ်စခန်း မှ တောင်ထိပ်သို့ တက်ရောက်ပြီး အမှတ်တရ ဓာတ်ပုံများရိုက်ကူကြပါမယ်။ ထို့နောက် ရေခဲစပ်စခန်းတောင်ခြေသို့ပြန်ဆင်းကာ ပစ္စည်းများသိမ်းဆည်းပြီး ခမ်းသောက်မြစ်စခန်းသို့ ပြန်ဆင်းပြီးအိပ်စက်အနားယူပါမယ်။ (တောင်ခြေ မှ တောင်ထိပ်သို့ ၃ မိုင်/ တောင်ဆင်း ၃ မိုင် / ခမ်းသောက်မြစ်သို့ ၅ မိုင် / လမ်းလျှောက်ချိန် ၈ နာရီ / စုစုပေါင်း လမ်းလျှောက်ရမည့်မိုင် ၁၁ မိုင်/ အမြင့်ပေ ၁၁,၉၂၀ ခန့်။
ခမ်းသောက်မြစ် - ဇီယာဒမ်း ကျေးရွာ
ခမ်းသောက်မြစ်စခန်း မှ သစ်ပင်ကြီးစခန်းကို ကျော်ပြီး ဇီယာဒမ်းကျေးရွာတွင် ညအိပ်အနားယူပါမယ်။ (မြေပြန့်တောင်အဆင်း ၇ မိုင် / လမ်းလျှောက်ချိန် ၆ နာရီ / အမြင့်ပေ ၇၀၀၀ – ၃၀၀၀)
ဇီယာဒမ်းကျေးရွာ - ပူတာအို
ဇီယာဒန်းကျေးရွာ မှ ဆိုင်ကယ်ခရီး ဖြင့် ပူတာအိုမြို့သို့ ပြန်လည်ထွက်ခွာပါမယ်။ ပူတာအို ရှိ ဟိုတယ် တွင် Check-in ဝင်ကာ အိပ်စက်အနားယူပါမယ်။
ပူတာအို - ရန်ကုန်
ပူတာအို ဟိုတယ် မှ ရန်ကုန်သို့ ပြည်တွင်းလေကြောင်းလိုင်းဖြင့် (၁၄:၄၀) နာရီတွင် ပြန်လည်ထွက်ခွာပြီး ရန်ကုန်သို့ (၁၈:၂၅) နာရီတွင် ရန်ကုန်မြို့သို့ ပြန်လည်ရောက်ရှိမည် ဖြစ်ပါတယ်။
၁ ။ ရေခဲတောင်ပေါ်တွင် ဝတ်ရည်အနွေးသားပါသော မိုးကာအကျီအထူ ၁ ထည်
၂ ။ လမ်းလျှောက်ချိန် ဝတ်ရန် မိုးကာသား အကျီ လက်ရှည်အပါး ၁ ထည်
၃ ။ လက်အိပ်အထူ ၁ စုံ ၊ အပါး ၁ စုံ
၄ ။ ခြေအိတ်အထူ ၃ စုံ၊ အပါး ၃ စုံ
၅ ။ လျှာထိုး ဉီးထုပ် (သို့) နေကာဉီးထုပ် ၁ လုံး
၆ ။ စွယ်တာ အနွေး ဉီးထုပ် ၁ လုံး
၇ ။ နားအုပ် ၁ စုံ
၈ ။ ဆွယ်တာ လက်ရှည် အကျီ ၂ ထည်
၉ ။ အကျီလက်ရှည် အပါး ၂ ထည်
၁၀ ။ ဆွယ်တာ ဘောင်းဘီ ၂ ထည်
၁၁ ။ မိုးကာသား (သို့မဟုတ်) ဆွဲသား အားကစား လမ်းလျှောက်ဘောင်းဘီ ၂ ထည်
၁၂ ။ နေကာမျက်မှန် ၁ လက်
၁၃ ။ ပွိုင့်ကောင်းသော တောင်တက်ဖိနပ်
၁၄ ။ စစ်ဖိနပ် ၁ ရံ
၁၅ ။ ညှပ်ဖိနပ် ၁ ရံ
၁၆ ။ ဆိုင်ကယ်စီး မိုးကာ အ၇ှည် ၁ ထည်
၁၇ ။ သောက်ရေဗူး ၁ ဗူး၊ ရေအသောက်များသူများ အပို တစ်ဗူး ဆောင်ထားရန်
၁၈ ။ ခေါင်းစွတ် ဓာတ်မီး နှင့် ဓာတ်ခဲ ၄ စုံ
၁၉ ။ ရေခဲ နှင်းကာ ဒူးစွတ်
၂၀ ။ မိမိ တစ်နိင်သယ်ယူရန် ကျောပိုးအိတ်သေး တစ်လုံး - မိမိအိတ်တွင် ရေဗူး ၊ ဆိုင်ကယ်စီး မိုးကာ ၊ ဓာတ်မီး ၊ မိုးကာအကျီ အပါး နှင့် သရေဆာ မုန့်များထည့်ထားရပါမည်။
၂၁ ။ မိမိအသုံးအဆောင် ဆေးဝါးများ နှင့် အခြားအသုံးအဆောင် ပစ္စည်းများ (အားဆေး ၊ လိမ်းဆေး ၊ သောက်ဆေး ၊ ခြင်ဖြန်းဆေး ၊ ဓာတ်ဆား ၊ အကိုက်အခဲပျောက်ဆေး ၊ ဝမ်းပိတ်ဆေး ၊ နှာဆေး ချောင်းဆိုး ပျောက်ဆေး ၊ အနာလိမ်းဆေး ၊ ခေါင်းကိုက်ပျောက်ဆေး ၊ လက်သည်းညှပ် ၊ အပ် ၊ သွားတိုက်တံ ၊ သွားတိုက်ဆေး ၊ Wet Tissue ၊ ဒူးစွတ် ၊ မောက်စ် ၊ နှတ်ခမ်းနီ အဆီ )
၂၂ ။ ကင်မရာ နှင့် ဖုန်းများ ယူဆောင်လာပါက အားသွင်းရန် Power Bank
၂၃ ။ မိမိကြိုက်နှစ်သက်သော သရေစာမုန့် အနည်းငယ် ယူဆောင်လာရန်
၂၄ ။ Boot ဖိနပ် အောက်ခြေတွင် စလစ်မဖြစ်အောင် တပ်ရသော ရာဘာဆူး
၂၅ ။ လမ်းလျှောက်တုတ်ချောင်း
၂၆ ။ အထက်ပါ ပစ္စည်းများ ကို စုံလင်အောင် ယူလာရမှာ ဖြစ်ပြီး ငှင်းပစ္စည်းများ ထည့်ရန် အိတ်အပျော့ တစ်လုံး လိုအပ်မှာ ဖြစ်ပါသည်။
သာမာန် သူများအနေဖြင့် ရေခဲတောင်ခရီးစဉ် မစမှီ ရက် ၂၀ လောက် အဆင်းအတက် လမ်းလျှောက်ထားရန် လိုအပ်ပါတယ်။
ဖုန်ကန်ရာဇီ ရေခဲတောင်တက် ခရီးစဉ် မစမှီ ၁၀ ရက်လောက်အလိုတွင် တစ်ရက် ၁ မိုင်နှုုန်း ဖြင့် ၁ နာရီခန့် အပြေးလေ့ကျင့် လျှင်ပို၍အဆင်ပြေ နိင်ပါတယ်။
တစ်ပတ်လောက် အလိုတွင် တစ်ရက်လျှင် ၃ မိုင်ခန့် လမ်းလျှောက်လေ့ကျင့်ထား လျှင်ပိုအဆင်ပြေ ပါတယ်။
တစ်နေ့လျှင် ထိုင်ထ အကြိမ် ၃၀ မှ ၄၀ ကြားထိုင်ထ ပြုလုပ်ခြင်း၊ စက်ဘီးစီးခြင်း၊ ကြိုးခုံခြင်း၊ အပြေးလေ့ကျင့်ခြင်း၊ ကာယလေ့ကျင့်ခန်းများ ပုံမှန်လေ့ကျင့်ထားလျှင် ပို၍ အဆင်ပြေပါတယ်။
တောင်တက်အတွေ့အကြုံ မရှိသေးသူများ အနေဖြင့် ပုံမှန်လမ်းလျှောက်ထားရန် လိုအပ်ပါတယ်။
Leave a reply