မြေမြတ်မဟာ ဗုဒ္ဓဂယာ (၇) ညအိပ် (၈) ရက်ဘုရားဖူးခရီးစဉ်

အောက်တိုဘာလ (၁၉) ရက်နေ့မှ (၂၆) ရက်နေ့အထိ

နိုဝင်ဘာလ (၄) ရက်နေ့မှ (၁၁) ရက်နေ့အထိ

ဒီဇင်ဘာလ (၁၉) ရက်နေ့မှ (၂၆) ရက်နေ့အထိ

ဇန်နဝါရီလ (၂၂) ရက်နေ့မှ (၂၉) ရက်နေ့အထိ

တစ်ဦးလျှင်ဈေးနှုန်း

· အမေရိကန်ဒေါ်လာ ၉၃၀ (ဘုန်းကြီးကျောင်းများတွင် တစ်ခန်းလျှင် ၃ ယောက်၊ ၄ ယောက်၊ ၅ ယောက်နှုန်းဖြင့်)

အိန္ဒိယနိုင်ငံ ပြည်ဝင်ခွင့်ဗီဇာလျှောက်ထားရန်လိုအပ်ချက်များ

• · အနည်းဆုံး (၈) လ သက်တမ်းကျန်ရှိသည့် နိုင်ငံကူးလက်မှတ် (PASSPORT) မူရင်း
• · မှတ်ပုံတင်မိတ္တူ (၂) စုံ၊ သန်းခေါင်စာရင်းမိတ္တူ (၂) စုံ၊
• · နောက်ခံအဖြူ (၂) လက်မပတ်လည် ကာလာဓာတ်ပုံ (၂) ပုံ။

အပြန်လေယာဉ်ပေါ်တွင် ဝန်ပိုသယ်ဆောင်ခြင်းနှင့် ပတ်သက်၍ သိသင့်သည့် အချက်အလက် များ

• အပြန်လေယာဉ်ပေါ်တွင် တင်ဆောင်ရမည့်အလေးချိန်မှာ တစ်ဦးလျှင် လေကြောင်းလိုင်းပေါ်မူတည်၍ ကီလို ၂၅ (UB) နှင့် ကီလို ၃၀(MAI) သာဖြစ်ပါသည်။ လေကြောင်းလိုင်းများမှ သတ်မှတ်ထားသောကီလိုထက် ကျော်လွန်သွားပါက (၁) ကီလိုလျှင် အိန္ဒိယလေယာဉ်ရုံးမှ သတ်မှတ်ထားသော ရူပီနှုန်းထားအတိုင်း ပေးဆောင်ရမည် ဖြစ်ပါသည်။
• ကီလိုအပိုရှိလာခဲ့ပါက ကီလိုအပိုကြေးကို အဖွဲ့ခေါင်းဆောင်မှ ကြိုတင်ညှိနှိုင်းဆောင်ရွက်နိုင်သကဲ့သို့ ကီလိုကိစ္စနှင့် ပတ်သက်၍ ပိုသောကီလိုများကို မိမိကိုယ်တိုင်ဖြေရှင်းလိုပါက လေဆိပ်တွင်ကိုယ်တိုင် ဖြေရှင်းနိုင်ပါသည်။

အထူးသတိပေးချက်

• Hand Carry လက်ဆွဲအိတ်သယ်ဆောင်ရာတွင် မနိုင်မနင်း သယ်ဆောင်သော ပစ္စည်းများကို တစ်ဖက်နိုင်ငံလေဆိပ်မှ တားမြစ်၍ ကျန်ရှိခဲ့ပါက ကုမ္ပဏီမှ လုံးဝ တာဝန်ယူမည်မဟုတ်ပါကြောင်း ကြိုတင်အသိပေးအပ်ပါသည်။
• အကောက်ခွန်ဥပဒေနှင့်ပတ်သက်သော ပစ္စည်းများကိုလည်း ကုမ္ပဏီမှ လုံးဝ တာဝန်ယူမည်မဟုတ်ပါ။
• အကြောင်းကြီးငယ်ရှိပါက အဖွဲ့ခေါင်းဆောင်ထံ အကြောင်းကြားပါရန်။

ဆောင်ရန် / ရှောင်ရန်

• ကုမ္ပဏီမှလဲပေးသော ပိုက်ဆံကို ကုမ္ပဏီမှတာဝန်ယူပါသည်။ ဘုန်းကြီးကျောင်းတွင် မြန်မာငွေ၊ အိန္ဒိယပိုက်ဆံနှင့် ဒေါ်လာများလှူဒါန်းနိုင်ပါသည်။
• မည်သည့်နေရာတွင်မှ တောင်းရမ်းစားသောက်သူများကို မပေးကမ်းရပါ။
• ဘုရားနေရာဌာနများတွင် ဂိုက်ဆရာတော်များမှ ရှင်းလင်းပြောကြားချက်များကို နားထောင်ပေးပါရန်။
• ဘုရားဖူးခရီးသည်များ၏ ပိုက်ဆံအိတ်များ၊ ဖုန်းများကို ဂရုစိုက်ကြပါရန် နှင့် အဖွဲ့လိုက်သွားလာကြပါရန်။
• အိန္ဒိယ-နီပေါ နှစ်နိုင်ငံနယ်စပ်တွင် ကျန်းမာရေးကိစ္စမှလွဲ၍ မည်သည့်အကြောင်းနှင့်မျှ မော်တော်ယာဉ်ပေါ်မှ မဆင်းကြပါရန်။
• လမ်းခရီးတစ်လျှောက် ကျန်းမာရေးသွားရာတွင် ယာဉ်ရပ်နားသောဘက်ခြမ်းမှ တစ်ခြားဘက်ခြမ်းသို့ မည်သည့်အကြောင်းနှင့်မျှ မသွားကြပါရန် မေတ္တာရပ်ခံ အပ်ပါသည်။
• လက်ဆွဲအိတ် နှင့် ဘေးလွယ်အိတ်များကို လေယာဉ်ကွင်း၊ မြန်မာ ဘုန်းတော်ကြီးကျောင်းများနှင့် ဟိုတယ်များတွင် မိမိတို့နှင့်အတူ တစ်ပါတည်း ယူဆောင်သွားကြပါရန် မေတ္တာရပ်ခံအပ်ပါသည်။
• ပါဝါဘဏ်များနှင့် လက်ကိုင်ဖုန်းများ ၊ အားသွင်းကြိုးနှင့် လေယာဉ်ပေါ်တွင် အသုံးပြုလိုသော အနွေးထည်ခြုံပဝါများကို လက်ဆွဲအိတ်ထဲထည့်၍ သယ်ဆောင်ပါရန်နှင့် အဝတ်များ၊ ရေမွှေးပုလင်း စသည့် အရည်အလှကုန်များ၊ လိုအပ်သော အသုံးအဆောင်ပစ္စည်းများနှင့် စားသောက်ဖွယ်ရာ အခြောက်အခြမ်းများ ကို အိတ်ကြီးများထဲတွင် လုံခြုံစွာ ထုပ်ပိုးသယ်ဆောင်ပါရန်။
• အိတ်အသေးတွင် Passport၊ ပိုက်ဆံနှင့် လတ်တလောလမ်းတွင် အသုံးပြုလိုသောဆေးအနည်းငယ် တို့ကို ထည့်သွင်းသယ်ဆောင်ပါရန်နှင့် ချွန်ထက်သောနေရာများ (ဥပမာ – ကပ်ကြေး၊ ဇာဂနာ၊ လက်သည်းညှပ်) များကို အိတ်ကြီးထဲတွင် သယ်ဆောင်ပါရန်။
• ရွှေ၊ ငွေ လက်ဝတ်ရတနာများအား အနည်းအကျဥ်းသာ ဝတ်ဆင်လာကြပါရန် မေတ္တာရပ်ခံအပ်ပါသည်။

ဖုန်း Sim Card အသုံးပြုနည်း

• Ø လက်ကျန်ငွေစစ်ရန် *123#call
• Ø မိမိဖုန်းနံပါတ်ကြည်ရန် *282#call
• Ø အိန္ဒိယမှမြန်မာနိုင်ငံသို့ဖုန်းခေါ်ရန် 0095
• Ø မြန်မာနိုင်ငံမှအိန္ဒိယသို့ဖုန်းခေါ်ရန် 0091

ငွေပေးချေမှု

• · ခရီးစဉ်လိုက်ပါရန် သဘောတူညီပြီးဖြစ်ပါက ပထမအရစ်ပေးချေမှုအနေဖြင့် Confirm ပေးသည့်အချိန်တွင် ၅၀% ပေးချေရပါမည်။
• · ဗီဇာလျှောက်ထားရန် မလိုအပ်သောနိုင်ငံများအတွက် ခရီးစဉ်ကြေးကျန်ငွေအားလုံးကို ခရီးစဉ်မထွက်ခွာမှီ (၂) ပတ်အလိုတွင် ပေးချေရပါမည်။
• · ဗီဇာလျှောက်ထားရန် လိုအပ်သောနိုင်ငံများအတွက် ခရီးစဉ်ကြေးကျန်ငွေအားလုံးကို ဗီဇာရရှိပြီးသည်နှင့် တပြိုင်နက် ပေးချေရမည်ဖြစ်ပြီး ဧည့်သည်တော်များ၏ ကိုယ်ရေးကိုယ်တာ လိုအပ်ချက်ကြောင့် သက်ဆိုင်ရာသံရုံးမှ ဗီဇာငြင်းဆိုခြင်းခံရပါက ဗီဇာလျှောက်ထားခြင်းအတွက် ပေးသွင်းထားသော ငွေကြေးသည် Non-refundable ဖြစ်သောကြောင့် မိမိတို့ကုမ္ပဏီမှ ပြန်လည် ပေးအပ်မည်မဟုတ်ပါ။
• · ငွေပေးချေပါက USD (သို့မဟုတ်) ငွေပေးချေသည့်နေ့၏ USD ပေါက်ဈေးနှင့်ညီမျှသော မြန်မာကျပ်ငွေဖြင့် ပေးချေရပါမည်။

TERMS & CONDITIONS:

• · ဧည့်သည်တော်များအနေဖြင့် စရံငွေပေးချေပြီး အကြောင်းအမျိုးမျိုးကြောင့် ခရီးစဉ်ထွက်ခွာမည့်ရက်၏ (၂) ပတ်မတိုင်မီနှင့် (၃) ပတ်အတွင်း Cancellation ပြုလုပ်ပါက စရံငွေဆုံးရှူံးမည်ဖြစ်ပါသည်။
• · ငွေအကြေပေးချေပြီး ဧည့်သည်တော်များအနေဖြင့် အကြောင်းအမျိုးမျိုးကြောင့် ခရီးစဉ်ထွက်ခွာမည့်ရက် မတိုင်မီ (၂) ပတ်အတွင်း Cancellation ပြုလုပ်ပါက ခရီးစဉ်တစ်ခုလုံး၏ ကုန်ကျစရိတ်အား Cancellation Charges အဖြစ် ကောက်ခံမည် ဖြစ်ပါသည်။
• · ခရီးစဉ်များအတွက် သတ်မှတ်ရက်ထက်နောက်ကျ၍ Booking ပြုလုပ်ပါက လေယာဉ်လက်မှတ် ဈေးနှုန်းအပြောင်းအလဲပေါ်မူတည်၍ ခရီးစဉ်ဈေးနှုန်းအပြောင်းအလဲ ရှိနိုင်ပါသည်။
• · မိမိတို့ Company အနေဖြင့် စီစဉ်ထားသောခရီးစဉ်အတိုင်းဖြစ်စေရန် အကောင်းဆုံး စီစဉ်ဆောင်ရွက် ပေးသွားမည်ဖြစ်သော်လည်း ကြိုတင်မှန်းဆ၍မရနိုင်သည့် အခြေအနေများ ဖြစ်သည့် (ယာဉ်ကြောပိတ်ဆို့မှု၊ ရုတ်တရက် လမ်းအခြေအနေမကောင်းခြင်း၊ ယာဉ်မတော်တဆထိခိုက်မှု၊ စက်ချို့ယွင်းမှုများ၊ ဆန္ဒပြမှုများ၊ အကြမ်းဖက်မှုများနှင့် အခြားသောကြိုတင်မှန်းဆ၍ ထိန်းချုပ်၍မရနိုင်သော သဘာဝအခြေအနေများ) အစရှိသော အခြေအနေအကြောင်းအရာတစ်စုံတစ်ခုကြောင့် ခရီးစဉ်ပြောင်းလဲ ပြင်ဆင်ရန် လိုအပ်လာပါက Company အနေဖြင့် အချိန်မရွေးပြင်ဆင်ပြောင်းလဲခွင့် ရှိစေရပါမည်။
• · ဧည့်သည်တော်များအနေဖြင့် ဗီဇာရရှိပြီးဖြစ်သော်လည်း သက်ဆိုင်ရာနိုင်ငံရှိ လေဆိပ် Immigration ကောင်တာတွင် မိမိတို့၏ကိုယ်ရေးကိုယ်တာ လိုအပ်ချက်များကြောင့် ပြည်ဝင်ခွင့်မရရှိပါက ဧည့်သည်တော်များ၏ တာဝန်သာဖြစ်ပြီး Oway Travel ၏ ဝန်ဆောင်မှုနှင့် လုံးဝသက်ဆိုင်ခြင်းမရှိပါ။

REMARK:

အထက်ဖော်ပြပါဈေးနှုန်းများအတွက် လတ်တလောတွင် မည်သည့် Booking မျှ ပြုလုပ်ထားခြင်းမရှိပါကြောင်းနှင့် Booking ပြုလုပ်ချိန်တွင် သွားရောက်လည်ပတ်မည့်နိုင်ငံများ၏ ပွဲတော်ရက်များ၊ ဟိုတယ်အခန်းရရှိမှု အခြေအနေများနှင့် လေယာဉ်လက်မှတ်ရရှိမှု အခြေအနေများ စသည့် အခြေအနေအရပ်ရပ်ပေါ်မူတည်၍ ခရီးစဉ်ထွက်ခွာမည့်ရက်နှင့် ခရီးစဉ်ဈေးနှုန်းများ အပြောင်းအလဲရှိ နိုင်ပါသည်။