ဟိုတယ်တွင် အရသာရှိသော နံနက်စာသုံးဆောင်ပြီးသည့်နောက် နံနက် (၀၇:၃၀) အချိန်တွင် ဒုတိယမြောက်နေ့ လည်ပတ်ခြင်းခရီးစဉ် အတွက် ဟိုတယ်တွင် OWAY၏အစီစဉ်ဖြင့်လာရောက်ခေါ်ဆောင်ပါမည်။ ဒုတိယမြောက်နေ့အတွက် တစ်နေ့တာအား OWAY ၏ အစီစဉ်ဖြင့် ပျော်ရွှင်စွာလည်ပတ်ကုန်ဆုံးကြပါမည်။ နေ့ခင်းစာ နှင့် ညနေစာအား OWAY မှ စီစဉ်ထားသော ဒေသစားသောက်ဆိုင်တွင် အရသာရှိရှိသုံးဆောင်ကြပါမည်။ တစ်နေ့တာ လည်ပတ်ခြင်း ခရီးစဉ်ကို လှပသော နေဝင်ချိန်ဖြင့် ပျော်ရွှင်စွာ ကုန်ဆုံးပြီးနောက်တွင် ဟိုတယ်သို့ပြန်ကာအေးချမ်းစွာ အိပ်စက်အနားယူပါမည်။

၇။ နောင်ခရိုင်ဂူ

ဒုတိယနေ့ခရီးစဉ်ကို နောင်ခရိုင်ဂူဖြင့် စတင်ပါမည်။ နောင်ခရိုင်ဂူ ကို မနက်ပိုင်းသွားလည်ခြင်းဖြင့် လူလည်းရှင်းပြီး ရေလည်းကြည်နေလို့ ဓါတ်ဖမ်းဖို့ ကောင်းဆုံးအချိန်ဖြစ်ပါသည်။ ဂူထဲတွင် ယခုလို မိုးတွင်းဆိုရင် ရေတွေပြည့်ပြီး အရမ်းလှလို့နေပြီး ဘားအံကတော့ မိုးများလေပိုလှလာလေဖြစ်ပါသည်။  

၈။ လုံမ္မနီဥယျာဉ် (ဇွဲကပင်တောင်ခြေ)

ဇွဲကပင်တောင်ခြေရှိ လုံမ္မနီဥယျာဉ်တွင် ဘုရားဖူး ဓါတ်ပုံရိုက်လို့ရသည့်အပြင် (မိမိအစီစဉ်ဖြင့်) ပျော်စရာ Cable လည်းစီးနိုင်ပါသေးသည်။  

၉။ ထွန့်ပတိုင်ရေကန်

နက်မှောင် နေသောတောင်ကြီးကို နောက်ခံထားပြီး ကျောက်စိမ်းရောင် တလက်လက် တောက်ပနေသည့် ရေကန်ပေါ်တွင် ဝါးတံတား ငယ်လေးတစ်ခုထိုးထားပြီး ထိုတံတား လေးပေါ်မှ ဓာတ်ပုံရိုက်ကူးကြပါမည်။ ရိုးရိုးရှင်းရှင်းလေး လှပစွာ ဆွဲဆောင်ထားတဲ့ ထွန့်ပတိုင်ရေကန်၏ ပတ်ဝန်းကျင်သည်လည်း သာယာလှပါသည်။  

၁၀။ သစ္စာတံတား

သစ္စာတွေ ခိုင်မြဲပါတယ်ဆိုသော ထွန့်ပတိုင်ရေကန်ထက်က သစ္စာတံတား။ သစ်သားတံတားအမျိုးစားဖြစ်ပြီး ရေတက်ချိန်ဆို တံတားပေါ်တွင်ရေတင်မဟုတ်ဘဲ ငါးတွေပါကူးခတ်သွားလာနေတဲ့ကြားထဲမှ ဖြတ်သန်းသွားလာ ရသောထူးခြားတဲ့ ခံစားမှုမျိုးကိုရရှိစေမှာဖြစ်သလို ငါးလေးတွေကိုလည်း အစာကြွေးလို့ရပါသည်။ သစ်သားတံတားတစ်လျှောက်ပျော်ရွှင်စွာ လည်ပတ်ကြပါမည်။  

၁၁။ ဆန္ဒန်ဂူ

ဘားအံ ရှိ သဘာဝ ထုံးကျောက်ဂူများအနက်မှ အကြီးဆုံး ဂူတစ်ဂူဖြစ်ပြီး ဂူထဲတွင် ကျောက်ထွင်းအုတ်ခွက် ဘုရားများ ကိုလည်းလေ့လာတွေ့ရှိရမှာဖြစ်ပါသည်။ ဆန္ဒန်ဂူတွင် OWAY ၏ အစီစဉ်ဖြင့် လှေစီးကြပါမည်။  

၁၂။ လွန်းညရေပြာအိုင်

လွန်းညရေပြာအိုင်သည်ဘားအံမြို့မှအိန္ဒူအကျော်လွန်းညကျေးရွာတွင်တည်ရှိပါသည်။ယင်းရေပြာအိုင်မှာရေကစားရန်အတွက်အသင့်အတင့်အကျယ်ဝန်းရှိပြီး တစ်နှစ်ပတ်လုံးရေမပြာဘဲ မိုးရာသီကာလတွင်ပိုပြာပါသည်။ ရေပြာအိုင်ရှိ တောင်ခြေသို့သွားရာလယ်ကွင်းပြင်များကို ဖြတ်သန်းဖောက်လုပ်ထားသော တံတားရှည်ရှည်လေးတစ်စင်းမှာ ကန်၏ အလှကို ပို၍ဆွဲ‌ဆောင်နေပါသည်။                

၁၃။ နောင်လုံတောင်ကြားလမ်း

ဘားအံတွင် အလှဓာတ်ပုံရိုက်လို့ကောင်းသော အလှဆုံးနေရာတွေထဲမှ နေရာတစ်ခုလည်းဖြစ်ပါသည်။ ဘားအံကို အလည်အပတ်ရောက်သူတိုင်း ဘားအံရဲ့ View Point တစ်နေရာဖြစ်တဲ့ နောင်လုံတောင်ကြား View Point မှာ အလှဓာတ်ပုံရိုက်ဖို့ photo stop လုပ်ကြပါမည်။  

၁၄။ ကော့ကသောင်ဂူ

ဂူအတွင်း၌ ဓမ္မစကြာပုံတော်များ၊ ဓာတ်တော်ခန်း၊ ရေကန်၊ သံလမ်းတံခါး၊ ရုပ်ရှင်ပုံစံဗုဒ္ဓရုပ်ပွားများ၊ ရှေးအုပ်ဆရာတော်များထိုင်သုံးသော ဂူငယ်များနှင့် ပုံပြင်ဆန်သည့် ကြာပွင့်စသည်ဖြင့် မြင်တွေ့နိုင်ပါသည်။ ဂူပေါက်အကျယ် ၄၀ ပေအနံ၊ အရှည် ၆၅ ပေရှိပြီး အတွင်းတွင် အလင်းရောင်အားနည်းပါသည်။  

၁၅။ စိတ္တသုခရေကန်

ကော့ကသောင်ဂူ ရှေ့မှ ကြည်လင်တောက်ပနေသော စိတ္တသုခရေကန်တွင် အလှဓါတ်ပုံများရိုက်ကူးကြပါမည်။  

၁၆။ တောင်ဝိုင်းတောင်

မိုးရာသီတွင် တိမ်ပင်လယ်ဖြစ်တတ်ပြီး ဘားအံ ရဲ့ စိမ်းစိုမြူဆိုင်းနေသော အလှကို တောင်ဝိုင်းတောင်ထိပ်ကနေ ရင်သပ်ရှုမောဖွယ် နေဝင်ချိန်အလှကို ခံစားပြီး တနေ့တာကုန်ဆုံးပါမည်။

ဟိုတယ်တွင် နံနက်စာသုံးဆောင်ပြီးနောက် Check-out ပြုလုပ်ပြီး နံနက် ၁၀:၀၀ အချိန်တွင် ဟိုတယ်မှ စတင် ထွက်ခွာကြပါမည်။ Check-out ပြုလုပ်ပြီးသည့်နောက် ဘုရင့်ညီဂူနှင့် ရွှေယျဉ်မျှော်ဘုရား တို့ကို လည်ပတ်ပြီး ရန်ကုန်သို့ခရီးဆက်ပါမည်။ ယနေ့အတွက်နေ့လည်စာ ကို လမ်းခရီး ရှိ (ဒေသစားသောက်ဆိုင်တွင်မိမိအစီစဉ်ဖြင့်) သုံးဆောင်ကြပါမည်။ အိမ််အပြန်လက်ဆောင် ဒေသထွက်အသီးနှံများဝယ်ယူရန် ကျိုက်ကော်သစ်သီးတန်းတွင် ရပ်နားပေးပါမည်။ ညနေ ၀၇:၀၀ ဝန်းကျင်ခန့်တွင် ရန်ကုန်သို့ပြန်လည်ရောက်ရှိပြီး ပျော်ရွှင်ဖွယ် ဘားအံ ခရီးစဉ်လေးအောင်မြင်စွာပြီးဆုံးပြီ ဖြစ်ပါသည်။

၁၇။ ဘုရင့်ညီဂူ

ရှေ့နှစ်ပေါင်း ၉၀၀ ခန့်လောက်တွင် ဘုရင်ကြီး တရားကျင့်ကြံပြီး နတ်ရွာစံသော ဂူဖြစ်သဖြင့် ဘုရင်ကြီးဂူ ဟုတ်အမည်တွင်ရာမှ ကာလကြာညောင်းသောအခါ ဘုရင့်ညီဂူ ဟုအမည်တွင်သည်။ ဘုရင့်ညီဂူသည် တောင်ကုန်းပေါ်တွင် တည်ရှိပြီး အုတ်လှေကားများဖြင့် အပေါ်သို့ တက်ရောက်ကြပါမည်။ တောင်စောင်းတစ်လျှောက်တွင် နှစ်ကျိပ်ရှစ်ဆူ ဘုရားများနှင့် ဂူအတွင်းတွင် ရှေးဟောင်းဘုရားများကို ဖူးမြော်ပါမည်။ ဂူသည် ၁ ဖာလုံခန့် ရှည်လျားပါသည်။ ဘုရင့်ညီဂူအခြေတွင် သဘာဝအလျှောက် ဖြစ်ပေါ်နေသော ရေပူ၊ ရေအေးစိမ့်စမ်းအိုင်လည်း ရှိပါသည်။ ဂူထဲတွင် ဂဝံကျောက်အုတ်၊ ရှေးခေတ်ဟောင်း လက်လုပ်မြေအုတ်တို့ဖြင့် ထွင်းထုထားသော ဘုရားများစွာကိုလည်း ဖူးမျှော်ကြပါမည်။  

၁၈။ ရွှေယင်မျှော်

ရွှေယင်မျှော်ဘုရားကြီးသည် သီရိဓမ္မာသောကမင်း၏ ကောင်းမှုတော် တစ်ခုဖြစ်သည်ဟုယူဆကြပါသည်။ သီရိဓမ္မာသောကမင်းသည် သာသနာသက္ကရာဇ် ၂၃၅ ခုနှစ်တွင် အရှင်ယောနကမထေရ်နှင့် မထေရ်ကြီးများနှင့် သာသနာထွန်းကားစေရန် တိုင်းခန်းလှည့်ခဲ့ရာ စေတီတော်ကြီးတည်ထားရမည့်နေရာသို့ ရောက်စဉ် မင်းကြီးပင့်ဆောင်လာသော ဓာတ်တော်မွေတော်များသည် မြတ်စွာဘုရားရှင်တော်မြတ် နှစ်ဆူသဏ္ဌာန် တန်းခိုးတော်ပြတော်မူ၍ ကောင်းကင်မှ သက်ဆင်းလာပြီး အရှေ့အရပ်သို့မျက်နှာတော်မူလျှက် လူနတ်ဗြဟ္မာတို့၏ အပူဇော်ခံခဲ့သည်ဟု အဆိုရှိခဲ့ဖူးပါသည်။ မင်းကြီးသည် မြတ်စွာဘုရားညွှန်သောနေရာတွင် တည်ထားခဲ့သော ရွှေယင်မျှော်ဘုရားအား လည်ပတ်ဖူးမျှော်ကြပါမည်။