ဟိုတယ်တွင် မနက်စာသုံးဆောင်ပြီးနောက် OWAY မှ စီစဉ်ထားသောကားဖြင့် လာရောက်ခေါ်ဆောင်မည်ဖြစ်ပြီး ဈေးဝယ်ခြင်းကို ကြိုက်နှစ်သက်သော ခရီးသွားဧည့်သည်များအတွက် ညောင်ဦးမဏိစည်သူစျေးသို့ သွားရောက်ကာ ဒေသထွက်ပစ္စည်းများကို စိတ်ကြိုက်စျေးဝယ်ကြပါမည်။ အေဒီ (၁၁) ရာစုအစောပိုင်းတွင် အနော်ရထာမင်းကြီး တည်ထားကိုးကွယ်ခဲ့သော ပုဂံမြို့ရှိ စွယ်တော်လေးဆူများထဲမှ အထင်ရှားဆုံး ဘုရားတစ်ဆူဖြစ်သော ရွှေစည်းခုံဘုရားကို သွားရောက်ဖူးမျှော်ကြပါမည်။ ထို့နောက် ဇာတ်တော်ပုံပြင်များမှ မြင်ကွင်းများကို သရုပ်ဖော်ထားသော ပုဂံတွင် ရှေးအကျဆုံး နံရံဆေးရေး ပန်းချီကားများကို ကောင်းစွာထိန်းသိမ်းထားသော အေဒီ ၁၁၁၃ ခုနှစ်တွင် တည်ထားခဲ့သော ဂူပြောက်ကြီးဘုရားကို သွား‌ရောက်ဖူးမျှော်ကြပါမည်။ လက်ရေးပန်းချီများကို (မိမိ၏ ကိုယ်ပိုင်အသုံးစရိတ်ဖြင့်) ရေးဆွဲပြီး ပျော်ရွှင်စရာ အတွေ့အကြုံကို ခံစားကြပါမည်။ ထို့နောက် ပုဂံယွန်းထည်နှင့် လက်မှုပစ္စည်းများရောင်းချသော ဆိုင်များသို့ သွားရောက်လည်ပတ်ခြင်းနှင့် လက်ဆောင်ပစ္စည်းများ ဝယ်ခြင်းကို ပြုလုပ်ကြပါမည်။ ဒေသစားသောက်ဆိုင်တွင် (မိမိ၏ ကိုယ်ပိုင် အသုံးစရိတ်ဖြင့်) နေ့လည်စာ သုံးဆောင်ပါမည်။ ပုဂံတွင် အခမ်းနားဆုံး ဘုရားတစ်ဆူဖြစ်သည့် ၁၀၉၁ ခုနှစ်တွင် ကျန်စစ်သားမင်းကြီး တည်ထားခဲ့သည့် အနုပညာလက်ရာမြောက်သည်ဟု ထင်ရှားသော အာနန္ဒာဘုရားကို သွားရောက် ဖူးမျှော်ကြပါမည်။ ထို့မှတဆင့် မြေပြင်မှအထက်သို့ (၆၁) မီတာအထိ မြင့်မားပြီး ပုဂံတွင်ဥာဏ်တော် အမြင့်ဆုံးစေတီဖြစ်သည့် သဗ္ဗညုစေတီတော်ကို သွားရောက်ဖူးမျှော်ကြပါမည်။ ထို့နောက် ၁၁၆၇ ခုနှစ် နှင့် ၁၁၇၀ ပြည့်နှစ်အတွင်း နရသူမင်း တည်ထားခဲ့သည့် ပုဂံတွင်ထုထည်အကြီးမားဆုံး ဘုရားဖြစ်သော ဓမ္မရံကြီးဘုရားကို သွားရောက်ဖူးမျှော်ပါမည်။ ထို့နောက် ဧရာဝတီမြစ်ပေါ်မှ နေဝင်ချိန်ရှုခင်းကို အကောင်းဆုံးအနေအထားဖြင့် ကြည့်ရှုနိုင်သော ဘူးဘုရားကို သွားရောက်ဖူးမျှော်ပါမည်။ ခရီးသွားဧည့်သည်များ၏ စိတ်ထဲ၌ တစ်သက်တာ မမေ့နိုင်မည့် နေဝင်ဆည်းဆာမြင်ကွင်းကို ဧရာဝတီမြစ်ရိုးတစ်လျှောက် လှေစီး၍ ကြည့်ရှုခြင်းဖြင့် ပုဂံဘုရားဖူးခြင်းကို အဆုံးသတ်သင့်သောကြောင့် နေဝင်ခါနီးအချိန်တွင် လှေဆိပ်သို့ဆင်းပြီး Sunset Boat စီး၍ ဧရာ၀တီမြစ်ပေါ်မှ ရင်သပ်ရှုမောဖွယ်လှပသော နေဝင်ချိန်ကို ခံစားကြည့်ရှုကြပါမည်။ ညစာကို ပုဂံမြို့ရှိ ဒေသစားသောက်ဆိုင်တွင် (မိမိ၏ ကိုယ်ပိုင်အသုံးစရိတ်ဖြင့်) သုံးဆောင်ပြီး ဟိုတယ်သို့ပြန်ကာ အေးချမ်းစွာ အိပ်စက် အနားယူပါမည်။

ဟိုတယ်တွင် မနက်စာသုံးဆောင်ပြီးနောက် နံနက် ၀၆း၃၀ တွင် ပုပ္ပားတောင် သို့ထွက်ခွာရန် ဟိုတယ် တွင်လာရောက်ခေါ်ဆောင်ပါမည်။ ထို့နောက်သာယာလှပသောနံနက်ခင်းတွင် ပုပ္ပားသို့ထွက်ခွာမည်ဖြစ်ပြီး လမ်းခရီး တစ်လျှောက် အညာဒေသ၏ သဘာဝအလှတရားများကို ကြည့်ရှုခံစားနိုင်ပါမည်။လမ်းခရီးကြာချိန်မှာ ခန့်မှန်းခြေ ၁နာရီခွဲခန့် ကြာမြင့်ပါမည်။ နံနက် ၀၈း၀၀ အချိန်ခန့်တွင် ပုပ္ပားတောင်ကလပ်သို့ တက်ရာလှေကား မုခ်ဦးအခြေရှိ နတ်နန်းဆောင်သို့ရောက်ရှိပြီး နတ်နန်းဆောင်ကိုဦးစွာလေ့လာလည်ပတ်ပါမည်။ ထို့နောက် လှေကားထစ်ပေါင်း ၇၇၇ ထစ် ရှိသည့် ပုပ္ပားတောင်ကလပ်သို့ စတင်တက်ရောက်ပြီး တောင်ထပ်ရှိ စေတီများအား လှည့်လည် ဖူးမျှော် ကြည်ညို ပါမည်။

နေ့လည် ၁၂:၀၀ ခန့်တွင် တောင်ကလပ် အခြေလှေကား မုခ်ဦးသို့ ပြန်လည်ရောက်ရှိပြီးနောက် ယျာဉ်မောင်း နှင့် ပြန်လည်ချိတ်ဆက်ကာ တောင်ခြေ၌ပြန်လည်ဆုံစည်းကြပါမည်။ ထို့နောက် ပုပ္ပားတောင်ရှိ လတ်ဆတ်သော ဒေသထွက် အစားစာများကို မြည်းစမ်းသုံးဆောင်ရန် ဒေသစားသောက်ဆိုင်သို့ ပို့ဆောင်ပေးပါမည်။ ဧည့်သည်တော်များအနေဖြင့် အလွန်လှပသော ၃၆၀ ဒီဂရီ ဖြင့််ကြည့်ရှုခံစားရင်း နေ့လည်စာသုံးဆောင်လိုပါကလည်း Popa Mountain Resort သို့ကားဖြင့်ပို့ဆောင်ပေးမည်ဖြစ်ပါသည်။ ယနေ့အတွက်လည်းနေ့လည်စာအား မိမိတို့ကိုယ်ပိုင်ကုန်ကျစရိတ်ဖြင့် နှစ်သက်ရာဒေသစားသောက်ဆိုင် (သို့) Popa Mountain Resort တွင်ပျော်ရွှင်စွာသုံးဆောင်ကြပါမည်။

သန့်ရှင်းလတ်ဆတ်ပြီး အရသာရှိသောနေ့ခင်းစာအား သုံးဆောင်ပြီးသည့်နောက်ပုဂံသို့ ပြန်လည်ထွက်ခွာရာ လမ်းရှိ အညာဒေသထွက်အမှတ်တရ လက်ဆောင်ပစ္စည်းများကိုလည်း စိတ်ကြိုက်တယ်ယူနိုင်မည်ဖြစ်ပါသည်။ ယနေ့အတွက် နေဝင်ဆည်းဆာအလှအား ပုဂံရှိ Sunset View Point တွင်ကြည့်ရှုခံစားကြပါမည်။ ပြီးပြည့်စုံသောတစ်နေ့တာအား အမှတ်ရစရာများဖြင့် ကုန်ဆုံးပြီးနောက် ရတနာပုံဟိုတယ်တွင် ပြန်လည်အိပ်စက်အနားယူပါမည်။

ဟိုတယ်တွင် နံနက်စာသုံးဆောင်ပြီးနောက် နံနက် (၇) နာရီခန့် အချိန်တွင် သီးသန့်ကားဖြင့် ကားဝင်းသို့ ပို့ဆောင်ကာ VIP Express Bus ဖြင့် ရန်ကုန်သို့ ပြန်လည်ထွက်ခွာပါမည်။ လမ်းခရီးတွင် (မိမိ၏ ကိုယ်ပိုင်အသုံးစရိတ်ဖြင့်) နေ့လည်စာသုံးဆောင်ပြီး ခရီးဆက်ပါမည်။ ညနေပိုင်းအချိန်တွင် ရန်ကုန်မြို့သို့အေးချမ်းစွာ ပြန်လည်ရောက်ရှိလာပြီး ပျော်ရွင်ဖွယ် ခရီးစဥ်လေး ပြီးဆုံးမည်ဖြစ်ပါသည်။