ဟိုတယ်တွင်မနက်စာ သုံးဆောင်ကြပြီးနောက် ရထားသံလမ်းပေါ်တွင် ကုန်ပစ္စည်းများရောင်းချကြသည့် Meaklong Railway market နှင့် Damnoen saduak ရေပေါ်ဈေးတို့ကို သွားရောက်လည်ပတ်ပါမည်။ နေ့လယ်စာကို စားသောက်ဆိုင်တစ်ဆိုင်တွင် သုံးဆောင်ပြီးနောက် Shopping Bee Farm နှင့် နာမည်ကြီးညဈေးတစ်ခုဖြစ်သည့် Jodd Fairs တို့ကိုသွားရောက်ကြပါမည်။ ထို့နောက် ညစာကို စားသောက်ဆိုင်တစ်ဆိုင်တွင် သုံးဆောင်ပြီးနောက် ဟိုတယ်သို့ပြန်၍ အိပ်စက်အနားယူပါမည်။

ဟိုတယ်တွင်မနက်စာ သုံးဆောင်ပြီးနောက် ကမ္ဘောဒီးယားနိုင်ငံ ဆီရမ်ရိမြို့သို့ ဘတ်စ်ကားဖြင့် ထွက်ခွာပါမည်။ ကားစီးချိန် ၇ နာရီမှ ၈ နာရီထိ ကြာနိုင်ပါသည်။ လမ်းခရီးတွင် နေ့လယ်စာကို မိမိအစီအစဉ်ဖြင့် သုံးဆောင်နိုင်ပါသည်။ ဆီရမ်ရိမြို့သို့ ညနေပိုင်းတွင် ရောက်ရှိပြီးနောက် ဒေသခံဧည့်လမ်းညွှန်မှ လာရောက်ကြိုဆိုကာ တည်းခိုမည့်ဟိုတယ်သို့ လိုက်ပါပို့ဆောင်ပေးပါမည်။ ညစာကို စားသောက်ဆိုင်တွင် ကမ္ဘောဒီးယားရိုးရာ Apsara ကပွဲကိုကြည့်ရှုခံစားရင်း သုံးဆောင်ပြီးနောက် ကမ္ဘာလှည့်ခရီးသွားများ သွားရောက်လေ့ရှိသည့် pub street and night market တို့သို့ လည်ပတ်နိုင်ကြပါသည်။ ထို့နောက်ဟိုတယ်သို့ပြန်၍ အိပ်စက်အနားယူပါမည်။

 ဟိုတယ်တွင်မနက်စာသုံးဆောင်ပြီးနောက် (၁၂)ရာစုကတည်ဆောက်ခဲ့သည့် ခမာလူမျိုးတို့၏ ရှေးဟောင်းမြို့တော် Angkor Thom သို့ တောင်ဘက်ဂိတ်မှဝင်ရောက်လေ့လာပါမည်။ ဆက်လက်၍ Baphuon ဘုရားကျောင်း၊ Ta Prohm ဘုရားကျောင်းနှင့် Terrace of the Elephant တို့ကိုသွားရောက်လေ့လာကြပါမည်။ နေ့လယ်စာကို စားသောက်ဆိုင်တစ်ဆိုင်တွင် သုံးဆောင်ပြီးနောက် ကမ္ဘာ့အံ့ဖွယ်များအနက် တစ်ခုဖြစ်သော အန်ကောဝပ်ဘုရားကျောင်းသို့ သွားရောက်ကြပါမည်။ ညနေစာကို စားသောက်ဆိုင်တစ်ဆိုင်တွင် သုံးဆောင်ပြီးနောက် Old Market တွင် ဈေးဝယ်ထွက်ကြပါမည်။ ထို့နောက် ဟိုတယ်သို့ပြန်၍ အိပ်စက်အနားယူကြပါမည်။

 ဟိုတယ်တွင် မနက်စာသုံးဆောင်ပြီး ဖနွမ်းပင်မြို့သို့ ထွက်ခွာပါမည်။ လမ်းခရီးတွင် (၁၂)ရာစုလက်ရာ ကမ္ဘာ့အရည်ဆုံး ခုံးမိုးကျောက်တံတား Kampong Kdei Bridge ကို လေ့လာကြပါမည်။ ထိုမှတဆင့် မြွေများ၊ ပုရစ်များ၊ ပင့်ကူများကို အရောင်းအဝယ်လုပ်ကြသော Skun Market ကိုဝင်ရောက်လေ့လာရင်း ကျေးလက်နေကမ္ဘောဒီးယားလူမျိုးများ၏ လူနေမှုဘဝကို လေ့လာနိုင်ပါသည်။ ဖနွမ်းပင်မြို့သို့ နေ့ခင်းပိုင်းတွင်ရောက်ရှိကြပြီး နေ့လယ်စာကို Suki Soup စားသောက်ဆိုင်တွင် သုံးဆောင်ပါမည်။ ထို့နောက် (၁၈၆၆)ခုနှစ်က တည်ဆောက်ခဲ့သော တော်ဝင်နန်းတော်၊ ငွေပြားကြမ်းခင်းပေါင်း(၅၀၀၀)ဖြင့် အလှဆင်ထားသော Silver Pagoda စသည့်နေရာများသို့ သွားရောက်လည်ပတ်ပါမည်။ ဆက်လက်ပြီး Toul Sleng ပြတိုက်၊ ကမ္ဘောဒီးယားလွတ်လပ်ရေး အထိမ်းအမှတ်အဆောက်အအုံနှင့် Naga World Casino တို့သို့လည်ပတ်ကြပြီးနောက် ညစာကိုစားသောက်ဆိုင်တစ်ဆိုင်တွင် သုံးဆောင်ကြပါမည်။ ပြီးနောက် ဟိုတယ်သို့ပြန်၍ အိပ်စက်အနားယူပါမည်။

မနက်စာကို ဟိုတယ်တွင်သုံးဆောင်ပြီးနောက် အဝေးပြေးကားဖြင့် ဗီယက်နမ်နယ်စပ် Moc Bai မှတဆင့် ဗီယက်နမ်နိုင်ငံသို့ဝင်ရောက်ကာ ဟိုချီမင်းမြို့သို့ ဆက်လက်ထွက်ခွာပါမည်။ လမ်းခရီးတွင် နေ့လယ်စာသုံးဆောင်ရန် ခေတ္တရပ်နားပေးပြီး မိမိအစီအစဉ်ဖြင့် သုံးဆောင်ပါမည်။ ဟိုချီမင်းမြို့သို့ ညနေပိုင်းတွင်ရောက်ရှိပြီး ဒေသခံဧည့်လမ်းညွှန်မှ လာရောက်ကြိုဆိုကာ Notre Dame Cathedral, Old Saigon Post Office, Opera House, City Hall နှင့် War museum တို့ကို သွားရောက်လည်ပတ်ကြပါမည်။ ညစာကို ဆိုင်ဂုံမြစ်အတွင်း အပျော်စီးသင်္ဘောပေါ်တွင် သုံးဆောင်ပြီးနောက် ဟိုတယ်သို့ check-in ဝင်ရောက်ပြီး အနားယူပါမည်။

ဟိုတယ်တွင် မနက်စာသုံးဆောင်ကြပြီးနောက် ဗီယက်နမ်စစ်ပွဲအတွင်း ဗီယက်ကောင်းပြောက်ကျားများ ပုန်းခိုခဲ့ကြသော ကီလိုမီတာ ၂၀၀ ကျော်ရှည်လျားသည့် လိုဏ်ခေါင်းကွန်ယက်များရှိသည့် Cu Chi Tunnel သို့ သွားရောက်လေ့လာကြပါမည်။ ထို့နောက် ဟိုချီမင်းမြို့သို့ ပြန်လည်ထွက်ခွာကာ နေ့လယ်စာကို စားသောက်ဆိုင်တစ်ဆိုင်တွင် သုံးဆောင်ပါမည်။ နေ့လယ်စာသုံးဆောင်ပြီးနောက် Saigon Square နှင့် လက်ဆောင်များဝယ်ရန် Ben Thanh market တို့သို့ သွားရောက်ကြပါမည်။ ထို့နောက် လေဆိပ်သို့ဆက်လက်ထွက်ခွာပြီးနောက် ရန်ကုန်မြို့သို့ လေကြောင်းခရီးဖြင့်ထွက်ခွာပါမည်။ ရန်ကုန်လေဆိပ်သို့ ညပိုင်းတွင် ပြန်လည်ရောက်ရှိပြီးနောက် ပျော်ရွှင်ဖွယ်ခရီးစဉ်လေး ဤတွင်ရပ်နားပါမည်။