မနက်စာကို ဟိုတယ်တွင်သုံးဆောင်ကြပြီးနောက် ဧည့်လမ်းညွှန်မှ လာရောက်ကြိုဆိုကာ သင်္ဘောဆိပ်သို့ ထွက်ခွာပါမည်။ ထိုမှတဆင့် ဖူးခက်မှ (၄၈)ကီလိုမီတာအကွာအဝေးတွင်ရှိသော ဖီးဖီးကျွန်းသို့ အပျော်စီးသင်္ဘောဖြင့် ထွက်ခွာပါမည်။ ဖီးဖီးကျွန်းသို့ရောက်ရှိပြီးနောက် ကျွန်းအနီးတဝိုက်ရှိ ကမ်းခြေရှုခင်းများကို လည်ပတ်ကြည့်ရှုပြီး Maya Bay(သို့မဟုတ်) Ton Sai Bay သို့သွားရောက်ကာ ရေကူးခြင်းနှင့် ရေငုပ်ခြင်းများကို ပြုလုပ်ကြပါမည်။ မျောက်ကျွန်း၌ တောင်တန်းများ ပေါတွင် နေထိုင်ကာ ကမ်းခြေတွင်ကျက်စားသောမျောက်များကို သဘာဝအတိုင်း တွေ့မြင်နိုင်ပါသည်။ နေ့လယ်စာကို ဖီးဖီးဒုံးကျွန်းပေါ်တွင် သုံးဆောင်ကြပြီးနောက် ကျွန်းပေါ်တွင် အေးဆေးစွာအနားယူရင်း မိမိစိတ်ကြိုက်အနားယူနိုင်ပါသည်။ ညစာကို ဖူးခက်မြို့ရှိ စားသောက်ဆိုင်တစ်ဆိုင် တွင် သုံးဆောင်ကြပြီးနောက် ဟိုတယ်သို့ပြန်ကာ အိပ်စက်အနားယူပါမည်။ 

ဟိုတယ်တွင် မနက်စာသုံးဆောင်ပြီးနောက် ဖူးခက်မြို့ဟောင်းသို့ လည်ပတ်ကြပါမည်။ MaDoo Bua Cafe’ တွင် ဓာတ်ပုံရိုက်ရန် ခေတ္တရပ်နားကြပါမည်။ နေ့လယ်စာကို စားသောက်ဆိုင်တစ်ခုတွင် သုံးဆောင်ပြီး Jungceylon Shopping Mall သို့ သွားရောက်ဈေးဝယ်ကြပါမည်။ ညစာကို ဖူးခက်ရှိ စားသောက်ဆိုင်တစ်ဆိုင်တွင် သုံးဆောင်ကြပြီး street food များရောင်းချသော Bangla ညဈေးကို သွားရောက်ကြပါမည်။ ထို့နောက် ဟိုတယ်သို့ပြန်ကာ အိပ်စက်အနားယူကြပါမည်။     

ဟိုတယ်တွင် မနက်စာသုံးဆောင်ကြပြီး Windmill View point နှင့် Karon View Point များသို့ သွားရောက်ကာ ကပ္ပလီပင်လယ်ပြင်၏ ရှုခင်းများကို ခံစားရင်း ဓာတ်ပုံများရိုက်ကြပါမည်။ ဆက်လက်ပြီး ဖူးခက်ကျွန်းပေါ်ရှိ တန်ခိုးကြီးဘုရားများအနက် တစ်ဆူဖြစ်‌သော Wat Chalong သို့ သွားရောက်ဖူးမျှော်ကြပါမည်။   ထို့နောက် ဖူးခက်မြို့ရှိ စားသောက်ဆိုင်တစ်ဆိုင်တွင် နေ့လယ်စာသုံးဆောင်ကြပြီး ဖူးခက်လေဆိပ်သို့ထွက်ခွာကြပါမည်။ ထို့နောက် သာယာပျော်ရွင်စွာ ခရီးစဉ်လေးပြီးဆုံးမည် ဖြစ်ပါသည်။