ဟိုတယ်တွင် မနက်စာသုံးဆောင်ကြပြီးနောက် ကမ္ဘာ့အမွေအနှစ်စာရင်းဝင် Halong Bay ကို ကားဖြင့်သွားရောက်ပါမယ်။ မြစိမ်းရောင်ပင်လယ်ပြင်တွင် ပြန့်ကျဲတည်ရှိနေသော ကျွန်းပေါင်း(၁၆၀၀) ကျော်ဖြင့် အံ့မခန်းလှပနေသော Halong Bay တွင် Private Cruise စီးပြီး (၄)နာရီခန့်ကြာအောင် လည်ပတ်ကြပါမယ်။ ကျောက်စက်ပန်းဆွဲများ၊ ကျောက်စက်မိုးမျှော်များဖြင့် ရင်သပ်ရှုမောဖွယ်ရာ Thien Cung ဂူ၊ ဆန်းကြယ်သောပုံသဏ္ဌာန်ဖြင့် ပင်လယ်တွင်းမှထိုးထွက်နေသော Ga Choi islet တို့ကိုသွားရောက်လည်ပတ်ပါမယ်။ နေ့လယ်စာအား သင်္ဘောပေါ်တွင် လတ်ဆတ်သော ပင်လယ်စာ ဟင်းလျာများဖြင့် သုံးဆောင်ပါမယ်။ ထို့နောက်ဟနွိုင်းမြို့သို့ ပြန်လည်ထွက်ခွာကြပြီး လမ်းခရီးတွင် ဝါးဖြင့်ပြု လုပ်သော လက်မှုအနုပညာများကို လေ့လာနိုင်သည့် Bamboo Shop သို့ ဝင်ရောက် လည်ပတ်ပါမယ်။ ဆက်လက်၍ အချိန်ရသေးလျှင် နာမည်ကျော် Hanoi Train Street ကို သွားရောက် ကြပြီးနောက် ညစာသုံးဆောင်ကာ ဟိုတယ်သို့ပြန်၍ အိပ်စက်အနားယူပါမယ်။ 

မနက်စာကို ဟိုတယ်တွင်သုံးဆောင်ပြီးနောက် ဟိုချီမင်းဂူဗိမာန်၊ ဟိုချီမင်းအိမ်တော်၊ ရှေးဟောင်းသမိုင်းဝင် One-Pillar Temple နှင့် ဗီယက်နမ်နိုင်ငံ၏ ပထမဦးဆုံးတက္ကသိုလ်ဖြစ်သော Temple of Literature တို့ကို သွားရောက်လည်ပတ်ပါမယ်။ ထို့နောက် ဟင်းပွဲပေါင်း(၂၀၀)ကျော်ကို ဘူဖေးတည်ခင်းသော Sen Tay Ho restaurant တွင် နေ့လယ်စာသုံးဆောင်ကြပါမယ်။ ဆက်လက်၍ St.Joseph Cathedral, Hoang Kiem Lake နှင့် ဟနွိုင်းရှေးဟောင်းရပ်ကွက်တို့သို့ လည်ပတ်ကြပါမယ်။ ညနေပိုင်းတွင် ဒါနန်းမြို့သို့သွားရောက်ရန် လေဆိပ်သို့ပို့ဆောင်ပေးပါမယ်။ ဒါနန်းမြို့သို့ရောက်လျှင် Love Bridge, Dragon Bridge, Dragon Garden တို့သို့ သွားရောက်လည်ပတ်ကြပြီးနောက် ညစာကို Steam Hot pot and Seafood restaurant တွင်သုံးဆောင်ကြပါမယ်။ ထို့နောက် ဟိုတယ် Check-in ဝင်ပြီး တစ်ညတာအိပ်စက်အနားယူပါမယ်။ 

မနက်စာကို ဟိုတယ်တွင်သုံးဆောင်ကြပြီးနောက် Bana Hill သို့သွားရောက်ကြပြီး ကမ္ဘာ့အဆင့်(၅) ရရှိထားသော ကေဘယ်ကားဖြင့် တောင်ထိပ်သို့သွားရောက်ကြပါမယ်။ ထို့နောက် ဒါနန်းမြို့၏ နာမည်ကျော် ရွှေလက်တံတားအပါအဝင် Linh Ung Pagoda, Old villas of French, Old Wine Tunnel, Orchid Garden အစရှိသည့်နေရာများသို့ သွားရောက်လည်ပတ်ပြီး အမှတ်တရ ဓာတ်ပုံ များ ရိုက်ကူးကြပါမယ်။ ဗီယက်နမ်နိုင်ငံ၏ တတိယအကြီးဆုံး Indoor Game ရုံကြီးတွင် မိမိအစီအစဉ် ဖြင့် ဂိမ်းများကိုလည်း ပါဝင်ကစားနိုင်ပါတယ်။ နေ့လယ်စာကို Lavender Restaurant တွင်သုံးဆောင် ပြီးနောက်ဟွိုင်အန်းမြို့သို့သွားရောက်ပါမယ်။    ထို့နောက် Thu Bon မြစ်ပေါ်တွင် ဗီယက်နမ်ရိုးရာ Bamboo Basket Boat များစီးပြီး ဧက(၁၀၀)နီးပါး မျှကျယ်သော Bay Mau Coconut Forest ကိုလည်ပတ်ကြပါမယ်။ ထို့နောက် ရှေးဟောင်းတရုတ်ရိုးရာ အဆောက်အဦးများရှိသော ဟွိုင်အန်းမြို့တွင်းရှိ Chinese Assembly Hall, Japanese Covered Bridge တို့ဆီကိုသွားရောက်လည်ပတ်ပါမယ်။ မြစ်အတွင်း အပျော်စီးလှေစီးပြီး မီးပုံးများလွှတ်ခြင်းကိုလည်း မိမိအစီအစဉ်ဖြင့် ပြုလုပ်နိုင်ပါတယ်။ ညစာကို BBQ ဘူဖေးသုံးဆောင်ကြပြီးနောက် ဒါနန်းမြို့သို့ပြန်ကာ ဟိုတယ်တွင် အိပ်စက်အနားယူကြပါမယ်။ 

ဟိုတယ်တွင်မနက်စာသုံးဆောင်ကြပြီးနောက် ဒါနန်းမြို့၏နာမည်ကျော်ကမ်းခြေတစ်ခုဖြစ်သော My Khe beach, ဗီယက်နမ်နိုင်ငံ၏အကြီးမားဆုံး ကွမ်ရင်မယ်တော်ရုပ်ပွားတော်ကြီးရှိသည့် Linh Ung pagoda နှင့် Sontra Peninsula တို့ကိုသွားရောက်လည်ပတ်ကြပါမယ်။ နေ့လယ်စာကို ဒေသ စားသောက်ဆိုင် တစ်ဆိုင်တွင် သုံးဆောင်ကြပြီးနောက် ဟနွိုင်းမြို့သို့ထွက်ခွာရန် လေဆိပ်သို့ ပို့ဆောင်ပေးပါမယ်။ ဟနွိုင်းမြို့သို့ရောက်လျှင် ရန်ကုန်မြို့သို့ လေယာဉ်ဖြင့်ဆက်လက်ထွက်ခွာပြီး ရန်ကုန်မြို့သို့ ညပိုင်းတွင်ပြန်လည်ရောက်ရှိကာ ခရီးစဉ်ပြီးဆုံးပါမယ်။