from 0 review
5D 4N
Daily Tour
10 people
English, Myanmar
ကမ္ဘာလှည့်ခရီးသွားများအကြား အလွန်ရေပန်းစားပြီး သွားရောက်လည်ပတ်ဖို့ အကောင်းဆုံးနဲ့ ကမ္ဘာ့အငြိမ်းချမ်းဆုံး မြို့တစ်မြို့ဖြစ်တဲ့ “ဘူတန်”ကို သွားရောက်လည်ပတ်ကြမယ်။
ရှေးဟောင်းစေတီပုထိုးတွေ၊ ဟိမဝန္တာရေခဲတောင်ထိပ်ရှုခင်းတွေနဲ့ အေးချမ်းတည်ငြိမ်မှုကို မျက်ဝါးထင်ထင်မြင်တွေ့ရမှာပါ။
Arrive Paro by Air & Transfer to Thimphu
Paro မြို့သို့သွားသောလေယာဉ်သည် ဟိမဝန္တာတောင်တန်းတစ်လျှောက်ပျံသန်းရင်း စွဲမက်ဖွယ်ကောင်းသောရှုခင်းများကိုခံစားကာ ရောက်ရှိပါမယ်။ လေယာဉ်ပေါ်မှဆင်းသည်နှင့် အေးမြပြီးသန့်ရှင်းလတ်ဆတ်သောလေကို ကြည်နူးစွာခံစားနိုင်မှာဖြစ်ပြီး ဒေသခံဧည့်လမ်းညွှန်မှလာရောက်ကြိုဆိုမှာပါ။ ဘူတန်နိုင်ငံ၏မြို့တော် Thimphu သို့ သွားရာလမ်းခရီးရှိ မြစ်ဆုံ Chhuzom တွင် ခေတ္တခဏရပ်နားပြီး တိဘက်ယဉ်ကျေးမှု၊ နီပေါယဉ်ကျေးမှုနှင့် ဘူတန်ယဉ်ကျေးမှုများပေါင်းဆုံရှာ စေတီပုထိုးများအားလေ့လာကြည့်ရှုရင်း အမှတ်တရဓာတ်ပုံများ ရိုက်ပါမယ်။ Thimphu မြို့သို့ရောက်သည်နှင့် ဟိုတယ်သို့ Check in ဝင်ကာ ခေတ္တအနားယူပါမယ်။ ထို့နောက် ဘုန်းကြီးကျောင်းများ၊ ဘုရင်မင်းမြတ်၏ပလ္လင်တော်အခန်းနှင့်အစိုးရရုံးများ၊ ဆရာတော်ကြီးများ နွေရာသီ သီတင်းသုံးနေထိုင်ရာနေရာဖြစ်သည့် Trashichhoedzong သို့သွားရောက်လည်ပတ်ပါမယ်။ ညနေပိုင်းတွင် Thimphu မိန်းလမ်းမ နှင့် ဈေးတစ်လျှောက်လမ်းလျှောက် ဘူတန်၏ ရိုးရာအနုပညာလက်ရာများကို ကြည့်ရှုရန် Local Crafts Bazaar သို့ သွားရောက်လည်ပတ်ပါမယ်။ Thimphu မြို့ရှိ ဟိုတယ်တွင် တစ်ညတာအနားယူအိပ်စက်ပါမယ်။
Thimphu – Punakha
နံနက်စာသုံးဆောင်ပြီးနောက် Buddha Point (Kuensei Phodrang) သို့သွားရောက်လည်ပတ်ပြီး Buddha Point (Kuensel Phodrang) မှ Thimphu ချိုင့်ဝှမ်းကို လေ့လာကြည့်ရှုကြပါမယ်။ ထို့နောက် Dochula Pass ကိုဖြတ်၍ Punakha သို့ဆက်လက်ထွက်ခွာပါမယ်။ ဟိုတယ်တွင် check-in ဝင်ပြီးနောက် ဆက်လက်၍ မြစ်နှစ်စင်းဆုံရာတွင်တည်ဆောက်ထားပြီး ၁၉၅၅ခုနှစ်ထိ ဘူတန်နိုင်ငံ၏မြို့တော်ဖြစ်ခဲ့သည့် ဆောင်းရာသီတွင် ဘုန်းကြီးများ၏ သီတင်းသုံးနေထိုင်ရာနေရာအဖြစ်ဆက်လက်တည်ရှိနေတဲ့ Punakha မြို့ရှိ Punakha Dzong သို့သွားရောက်လည်ပတ်ပါမယ်။ ထိုညအား Punakha မြို့ရှိ ဟိုတယ်တွင် အနားယူအိပ်စက်ရမှာဖြစ်ပါတယ်။
Punakha – Paro (120 Kms / 4.5 hrs drive)
နံနက်စာသုံးဆောင်ပြီးနောက် Chimi Lhakhang သို့တစ်ရက်တာအပျော်ခရီး ထွက်ပါမယ်။ Chimi Lhakhang ဟာ “The Temple of Fertility” ဟုလူသိများသည့် ချိုင့်ဝှမ်း၏အလယ်တောင်ကုန်းပေါ်တွင်ရှိပါတယ်။ ဤဘုရားကျောင်းသည် ကလေးမရနိုင်သောစုံတွဲများ လာရောက်ဆုတောင်းပါက မကြာမီကလေးရရှိနိုင်သည်ဟု ယုံကြည်ကြပါတယ်။ ထို့နောက် Paro မြို့သို့ လှပသောအဝေးပြေးလမ်းတစ်လျှောက်မောင်းနှင်ပြီး ၁၆၂၇ ခုနှစ်တွင်တည်ဆောက်ထားသော နိုင်ငံ၏ရှေးအကျဆုံးခံတပ်ဖြစ်သည့် Simtokha Dzong သို့ဝင်ရောက်လည်ပတ်ပါမယ်။ Paro မြို့သို့ရောက်သောအခါ ဟိုတယ်သို့ check-in ဝင်ပါမယ်။ နေ့လည်စာသုံးဆောင်ပြီးနောက် Watchtower အဖြစ်မူလကတည်ဆောက်ခဲ့သော်လည်း ယခုအခါ National Museum ဖြစ်သည့် Ta Dzong သို့သွားရောက်လည်ပတ်ပါမယ်။ Paro မြို့ရှိဟိုတယ်တွင် အနားယူအိပ်စက်ပါမယ်။
Paro
နံနက်စာသုံးဆောင်ပြီးနောက် ၅ နာရီခန့်လမ်းလျှောက်ကာ ဘူတန်နိုင်ငံရှိကျော်ကြားသောဘုန်းကြီးကျောင်းများထဲမှတစ်ခုအပါအဝင်ဖြစ်သည့် Paro တောင်ကြားကြမ်းပြင်အထက် မီတာ၉၀၀ အထက်တွင်ရှိသော ချောက်ကမ်းပါးပေါ်တွင်တည်ရှိသည့် Taktshang Monastery or Tiger’s Nest သို့သွားရောက်လေ့လာပါမယ်။ မွန်းလွဲပိုင်းတွင် လွန်ခဲ့သောရာစုနှစ်များစွာက တိဗက်ကျူးကျော်သူများကိုတိုက်ခိုက်ခဲ့သော ပျက်စီးနေသည့်ခံတပ်ရှိရာ Drukgyel Dzong သို့သွားရောက်ပါမယ်။ ညနေပိုင်းတွင် တိဗက်ဘုရင် Songtsen Gampo က ဟိမဝန္တာတောင်တန်းတွင် တည်ဆောက်ခဲ့သော ဘုရားကျောင်း ၁၀၈ ခုထဲမှတစ်ခုဖြစ်သည့် Kyichu Lhakhang သို့သွားရောက်လည်ပတ်ပါမယ်။ Paro မြို့ရှိဟိုတယ်တွင် အနားယူအိပ်စက်ပါမယ်။
Depart Paro by Air
ဟိုတယ်တွင်နံနက်စာသုံးဆောင်ပြီးနောက် အပြန်ခရီးစဉ်စတင်ကာ Paro လေဆိပ်မှတဆင့် မြန်မာနိုင်ငံရှိ ရန်ကုန်အပြည်ပြည်ဆိုင်ရာလေဆိပ်သို့ ပြန်လည်ရောက်ရှိကာ ခရီးစဉ်လေးပြီးဆုံးမည်ဖြစ်ပါတယ်။
Leave a reply