ဟိုတယ်တွင် နံနက်စာသုံးဆောင်ပြီးနောက် 67 မီတာ အမြင့်ရှိပြီး ဗီယက်နမ်နိုင်ငံတွင် အမြင့်ဆုံးဘုရားကျောင်းတစ်ခု လည်းဖြစ်ရာ Son Tra ကျွန်းဆွယ်ရှိ ဆုတောင်းပြည့် ကွမ်ရင်မယ်တော်ဘုရားကျောင်းသို့ သွားရောက် လေ့လာလည်ပတ်ပါမည်။ ထိုမှတဆင့် ဗီယက်နမ်လူမျိုးများအကြား Social media တွင် အလွန်ခေတ်စားနေသည့် ချစ်စရာကော်ဖီဆိုင်တစ်ခုဖြစ်သည့် Sontra Marina Café သို့သွားရောက်ကာ ကော်ဖီချစ်သူများအနေဖြင့်

အရသာရှိလှသောကော်ဖီများအား (မိမိတို့၏ကိုယ်ပိုင်စိတ်ကြိုက်အစီအစဉ်များဖြင့်) သုံးဆောင်ရင်း အမှတ်တရဓာတ်ပုံများ ရိုက်ကြပါမည်။ နေ့လည်စာအား ဒေသစားသောက်ဆိုင်တွင် သုံးဆောင်ကြပါမည်။

ထို့နောက် ဝါးဖြင့်ပြုလုပ်ကာ ရေစိုခံပြီး လှေအတွင်းရေမဝင်နိုင်ရန် ကတ္တရာစေးဖြင့် လှေပတ်ပတ်လည် သုတ်လိမ်းထားသည့် ဗီယက်နမ်ရိုးရာဝါးလှေ Bamboo Basket Boat ခေါ် Thung Chai များစီးကာ Thu Bon မြစ်အတွင်းရှိ Bay Mau Coconut တောသို့ ရင်ခုန်ပျော်ရွှင်စွာ လှေစီးကာ သွားရောက်လေ့လာကြပါမည်။ ထိုမှတဆင့် ၁၅ ရာစုမှ ၁၉ ရာစုအတွင်း အရှေ့တောင်အာရှ၏ ကုန်သွယ်ဆိပ်ကမ်းမြို့အဖြစ် အသုံးပြုခဲ့ပြီး ၁၉၉၉ ခုနှစ်တွင် ယူနက်စကိုအသိအမှတ်ပြုခြင်းခံရသည့် Hoi An မြို့သို့ သွားရောက်ကြပါမည်။ တရုတ်အစည်းအဝေးခန်းမများနှင့် ဘုရားကျောင်းများ၊ ဂျပန်စတိုင်တံတားများ အစရှိသဖြင့် ဗီယက်နမ်၊ တရုတ်၊ ဂျပန် လူမျိုးတို့၏ ဗိသုကာလက်ရာအဆောက်အဦးများစွာဖြင့် ရင်သပ်ရှုမောဖွယ်ရာကောင်းလှသည့် Hoi An မြို့လေးအတွင်း ပျော်ရွှင်စွာ လေ့လာလည်ပတ်ကြပါမည်။ အဖွဲ့လိုက်လှေစီးရင်း လှေပေါ်မှတဆင့် မီးပုံပျံလွှတ်ခြင်းအား မိမိတို့၏ ကိုယ်ပိုင်အသုံးစရိတ်များဖြင့် ပျော်ရွှင်စွာပြုလုပ်နိုင်ပါမည်။ ဒါနန်းသို့ အပြန်လမ်းရှိ ဒေသစားသောက်ဆိုင်တွင် ဘူဖေးညစာအား သုံးဆောင်ပြီးနောက် ဒါနန်းမြို့ရှိဟိုတယ်တွင် ပြန်လည်အနားယူအိပ်စက်ပါမည်။

ဟိုတယ်တွင် နံနက်စာသုံးဆောင်ပြီးနောက် ဒါနန်းမြို့မှ ၃၀ ကီလိုမီတာအကွာအဝေးတွင်ရှိသည့် Bana Hill သို့ ထွက်ခွာပါမည်။ ကမ္ဘာ့နံပါတ်အဆင့် ၅ အဖြစ် သတ်မှတ်ထားသည့် ကေဘယ်လ်ကားစီးပြီး By Night Station တွင် ရပ်ကာ Vong Nguyet တောင်၊ ဆုတောင်းပြည့် ဘုရားကျောင်း Linh Ung၊ ပြင်သစ်ရှေးဟောင်းရွာ The Old Villas of French တို့အား သွားရောက် လည်ပတ်ပါမည်။

ပြီးနောက် ကေဘယ်လ်ကားဖြင့် Bana Hill ထိပ်ရှိ Nui Chua Mountain သို့ ဆက်လက်ထွက်ခွာပြီး Nginh Phong top, Le Nim Villas, Old wine tunnel, Orchid Garden… အစရှိသည်တို့အား ပျော်ရွှင်စွာလည်ပတ်ရင်း ဗီယက်နမ်နိုင်ငံ၏တတိယအကြီးဆုံး Indoor Game Zone တစ်ခုဖြစ်ရာ Fantasy Park အတွင်း သတ်မှတ်ထားသော ကစားနည်းများအား စိတ်ကြိုက်ပျော်ရွှင်စွာ ကစားကြပါမည်။ (series of interesting games: 4D film, skiver, Golden hand) ဘူဖေးနေ့လည်စာအား Lavender restaurant တွင် ပျော်ရွှင်စွာသုံးဆောင်ကြပါမည်။

ညနေပိုင်းတွင် ဒါနန်းမြို့သို့ပြန်လည်ထွက်ခွာပြီး My Khe ကမ်းခြေ၊ အချစ်တံတား၊ နဂါးတံတား၊ Apec Garden တို့သို့ သွားရောက်လည်ပတ်ကြပါမည်။

ဒေသစားသောက်ဆိုင်တွင် ညစာသုံးဆောင်ပြီးနောက် ဟိုတယ်သို့ ပြန်လည်အနားယူအိပ်စက်ပါမည်။

ဟိုတယ်တွင် နံနက်စာသုံးဆောင်ပြီး check out ပြုလုပ်ကာ စကျင်တောင် (Marble Mountain)၊ Non Nuoc ကျောက်တုံးကျေးရွာတို့သို့ သွားရောက်လည်ပတ်ကြပါမည်။ နေ့လည်စာအား ဒေသစားသောက်ဆိုင်တွင် သုံးဆောင်ပြီးနောက် Than Dua စျေးနှင့် Han market ၊ Vincome Plaza သို့ သွားရောက်ကာ စိတ်ကြိုက်ပျော်ရွှင်စွာ ဈေးဝယ်ထွက်ကြပါမည်။ ထိုမှတဆင့် လေဆိပ်သို့ပို့ဆောင်ပေးမည်ဖြစ်ပါသည်။ ညနေစာအား check in ဝင်ပြီးနောက် လေဆိပ်အတွင်းရှိဆိုင်များတွင် မိမိတို့၏ စိတ်ကြိုက်ကိုယ်ပိုင်အစီအစဉ်များဖြင့် သုံးဆောင်ကြပါမည်။ ထိုမှတဆင့် သတ်မှတ်ထားသော လေကြောင်းလိုင်းဖြင့် ရန်ကုန်သို့ ပြန်လည်ထွက်ခွာပြီး ပျော်ရွှင်ဖွယ်ရာ ခရီးစဉ် ပြီးဆုံးမည်ဖြစ်ပါသည်။