မနက်စာကို ဟိုတယ်တွင် သုံးဆောင်ပြီး ဟလောင်း‌ဘေးသို့ ကားဖြင့်ထွက်ခွာပါမည်။ (ခန့်မှန်းကားမောင်းချိန် ၃း၀၀ နာရီ ဝန်းကျင်ခန့် ကြာြမင့်ပါမည်။) လမ်းခရီးတွင် ဗီယက်နမ်၏ နာမည်ကျော် ဝါးဖြင့်ပြုလုပ်ထားသော ထုတ်ကုန်များကို လေ့လာဝယ်ယူနိုင်ရန် Bamboo Shop သို့ပို့ဆောင်ပေးပါမည်။ထို့နောက် ဟ‌လောင်းဘေးတွင် သင်္ဘောစီးရန် ဆိပ်ကမ်းသို့ ထွက်ခွာပါမည်။ UNESCO စာရင်းဝင် မြစိမ်းရောင် ရေပြင်ရှိရာ ဟလောင်းဘေးအတွင်း သင်္ဘောစီးရင်း သဘာဝအလှအပများကို ကြည့်ရှုခံစားပါမည်။ ဟလောင်းဘေးရှိ သဘာဝထုံးကျောက်များ၊ ကျွန်းများသို့ သွားရောက်လည်ပတ်ပြီး အမှတ်တရဓာတ်ပုံများ ရိုက်ကူးပါမည်။ နေ့လည်စာကို သင်္ဘောပေါ်တွင် Seafood ဖြင့်သုံးဆောင်ပါမည်။ ညနေပိုင်းတွင် ဟနွိုင်းသို့ ကားဖြင့်ပြန်လည် ထွက်ခွာပါမည်။ ဟနွိုင်းရှိ နာမည်ကျော် အစည်ကားဆုံးနေရာဖြစ်သည့် Old Quarter, ဓာတ်ပုံရိုက်ကြိုက်သူများအကြား ရေပန်းစားသည့် အနီရောင် တံတားရှိရာ Hoan Kiem Lake စသည့်နေရာများသို့ လည်ပတ်ပါမည်။ ညစာကို Local Restaurant တွင်သုံးဆောင်ပြီး ဟိုတယ်တွင် အေးချမ်းစွာ အိပ်စက်အနားယူပါမည်။

ဟိုတယ်တွင် မနက်စာသုံးဆောင်ပြီးနောက် Check out ထွက်ပါမည်။ ဟနွိုင်း City Tour စတင်လည်ပတ်ပါမည်။ ဗီယက်နမ်နိုင်ငံ၏ လွတ်လပ်ရေးဖခင် ဟိုချီမင်းရုပ်အလောင်းရှိရာ Hochiminh Mausoleum, ဟိုချီမင်းနေထိုင်ခဲ့သည့် Hochiminh’s Stilt House, ဆုတောင်းပြည့်သည်ဟု နာမည်ကျော်သည့် One Pillar Pagoda, ရှေးအကျဆုံးတက္ကသိုလ်ဖြစ်သည့် Temple of Literature, ပြင်သစ်ဗိသုကာ လက်ရာများကို လေ့လာနိုင်သည့် St.Joseph’s Cathedral စသည့်နေရာများသို့ သွားရောက်လည်ပတ်ပါမည်။ နေ့လည်စာကို ဟနွိုင်းမြို့ရှိ နာမည်ကျော် ဟင်းအမျိုးပေါင်း (၂၀၀)ကျော်ရှိသည့် Sen Tay Ho Buffet  ဖြင့်သုံးဆောင်ပါမည်။ ထို့နောက် ဟနွိုင်းလေဆိပ်သို့ ထွက်ခွာပါမည်။ လေဆိပ်တွင် Check in ဝင်ပြီး ပြည်တွင်းလေကြောင်းဖြင့် ဒါနန်းသို့ ထွက်ခွာပါမည်။ ဒါနန်းသို့ရောက်ရှိပြီးနောက် ဒါနန်းမြို့၏ သင်္ကေတ နဂါးခေါင်းပုံသဏ္ဠာန် တည်ဆောက်ထားသည့် Dragon Bridge, ချစ်ခြင်းမေတ္တာတံတားဟု နာမည်ကျော်သည့် Love Bridge တွင် အမှတ်တရဓာတ်ပုံများ ရိုက်ကူးပါမည်။ ညစာကို Local Restaurant တွင်သုံးဆောင်ပြီး ဒါနန်း ဟိုတယ်တွင် Check in ဝင်ပြီး ‌အေးချမ်းစွာ အိပ်စက်အနားယူပါမည်။

မနက်စာကို ဟိုတယ်တွင် သုံးဆောင်ပြီးနောက် ဒါနန်းရှိ နာမည်ကျော် ရွှေလက်တံတားရှိရာ BaNa Hill သို့ကားဖြင့် ထွက်ခွာပါမည်။ (ခန့်မှန်းကားမောင်းချိန် ၁း၃၀-၂း၀၀ နာရီ ဝန်းကျင်ခန့် ကြာမြင့်ပါမည်။) Bana တောင်ပေါ်သို့ Cable Car ဖြင့် တက်ပြီး သဘာဝအလှအပများကို ကြည့်ရှုခံစားပါမည်။ တောင်ပေါ်သို့ရောက်ရှိပြီးနောက် ထူးခြားသော ဗိသုကာလက်ရာဖြင့် တည်ဆောက်ထားသည့် ခရီးသွားဧည့်သည်များအကြား နာမည်ကျော်သည့် ရွှေလက်တံတားတွင် အမှတ်တရဓာတ်ပုံများ ရိုက်ကူးပါမည်။ ထို့နောက် အရောင်အသွေးစုံလင်လှသည့် ပန်းများရှိရာ Le Jardin Garden, သပ္ပါယ်လှသည့် ကြီးမားသည့် ထိုင်တော်မူ ဗုဒ္ဓရုပ်ပွားတော် Linh Ung Pagoda စသည့်နေရာများသို့ လည်ပတ်ပါမည်။ နေ့လည်စာကို တောင်ပေါ်ရှိ Lavender Restaurant တွင် Buffet ဖြင့်သုံးဆောင်ပါမည်။ ထို့‌‌နောက် တောင်ပေါ်ရှိ Fantasy Indoor Theme park တွင်လည်ပတ်ဆော့ ကစားပါမည်။ (ကစားကွင်းအတွင်းရှိ အချို့သောကစားနည်းများကို ဧည့်သည်များ ကိုယ်ပိုင်အသုံးစားရိတ်ဖြင့် ဆော့ကစားနိုင်ပါသည်။) ထို့နောက် တောင်ပေါ်မှ Cable Car ဖြင့်ပြန်ဆင်းပြီး ဟွေအန်းသို့ ကားဖြင့်ထွက်ခွာပါမည်။ လမ်းခရီးတွင် Coconut Forest ရှိခရီးသွားဧည့်သည်များ အလွန်ကြိုက်နှစ်သက်သည့် စိတ်လှုပ်ရှား ပျော်ရွှင်ဖွယ်ကောင်းသော Bamboo Basket Boat စီးပါမည်။ ညနေပိုင်းတွင် ဗီယက်နမ်၊ တရုတ်၊ ဂျပန် ဗိသုကာလက်ရာ အဆောက်အဦးများကို တွေ့မြင်နိုင်ပြီး မီးပုံးလေးများဖြင့် အေးချမ်းလှပသည့် UNESCO စာရင်းဝင် ဗီယက်နမ် ရှေးဟောင်းမြို့ ဟွေအန်းတွင် လည်ပတ်ပါမည်။ ညစာကို Local Restaurant တွင် Buffet ဖြင့်သုံးဆောင်ပြီး‌နောက် ဒါနန်းသို့ပြန်လည်ထွက်ခွာပြီး ဟိုတယ်တွင် အိပ်စက်အနားယူပါမည်။

မနက်စာကို ဟိုတယ်တွင် သုံးဆောင်ပြီး Check out ထွက်ပါမည်။ လေဆိပ်သို့ ထွက်ခွာပါမည်။ လေဆိပ်တွင် Check in ဝင်ပြီး သတ်မှတ်ထားသော လေကြောင်းလိုင်းဖြင့် ရန်ကုန်သို့ ပြန်လည်ထွက်ခွာပါမည်။ ရန်ကုန်အပြည်ပြည်ဆိုင်ရာ လေဆိပ်သို့ မြန်မာစံ‌တော်ချိန် ညနေပိုင်းတွင် ပြန်လည်ရောက်ရှိပါမည်။