ဟိုတယ်တွင် နံနက်စာသုံးဆောင်ပြီးနောက် Sentosa နှင့် Palawan ကမ်းခြေများသို့ သွားရောက်လည်ပတ်ပါမည်။ နေ့လယ်စာကို ဒေသစားသောက်ဆိုင်တစ်ဆိုင်တွင် သုံးဆောင်ပြီးနောက် Universal Studio တွင် နံနက် (၉)နာရီမှ ည(၇)နာရီအထိလည်ပတ်ပါမည်။ ထို့နောက် ဒေသစားသောက်တစ်ဆိုင်တွင် ညစာသုံးဆောင်ပြီး ဟိုတယ်သို့ပြန်လည်ထွက်ခွာပါမည်။ 

 ဟိုတယ်တွင် နံနက်စာသုံးဆောင်ပြီးနောက် ရှေးဟောင်းတရုတ်ရိုးရာအငွေ့အသက်များတည်ရှိရာတရုတ်တန်း၊ ဗုဒ္ဓစွယ်တော်ပွား ကိန်းဝပ်စံပ္မယ်ရာစွယ်တော်ဘုရားကျောင်းနှင့် စားသောက်ဆိုင်များ၊ ကဖေးများနှင့် အဝတ်အထည်ဆိုင်များရှိရာ နာမည်ကျော် Haji Lane သို့ သွားရောက်လည်ပတ်ပါမည်။ ဆက်လက်ပြီး ကမ္ဘာ့အကြီးဆုံး ဖန်လုံအိမ်စိုက်ခင်းကြီးဖြစ်သော Gardens by The Bay သို့ဆက်လက်လည်ပတ်ပါမည်။ နေ့လယ်စာသုံးဆောင်ပြီးနောက် မလေးရှားနှင့် စင်ကာပူနယ်စပ်- Johor Bahru 2nd Link Tanjung Tuas သို့ ခရီးဆက်ပါမည်။ မလေးရှားနိုင်ငံသို့ ရောက်ရှိပြီးနောက် ဒေသခံဧည့်လမ်းညွှန်မှ လာရောက်ကြိုဆိုနှုတ်ဆက်ပြီး မလက္ကာမြို့သို့ ဘတ်စ်ကားဖြင့်ဆက်လက်ထွက်ခွာပါမည်။ ကားစီးချိန် (၃) နာရီမှ (၄) နာရီခန့်ကြာနိုင်ပါသည်။ မလက္ကာမြို့သို့ ရောက်ရှိလျှင်ဒေသစားသောက်ဆိုင်တစ်ဆိုင်တွင် ညစာသုံးဆောင်ပြီး ဟိုတယ်သို့ check in ဝင်ကာ တစ်ညတာအိပ်စက်အနားယူပါမည်။ 

ဟိုတယ်တွင် နံနက်စာသုံးဆောင်ပြီးနောက် အာရှတွင်သက်တမ်းအရင့်ဆုံး ဥရောပဗိသုကာလက်ရာတစ်ခုဖြစ်သော (၁၅၁၁)ခုနှစ်တွင် ပေါ်တူဂီများတည်ဆောက်ခဲ့သည့် A Famosa (Porta of De Santiago)ခံတပ်ဟောင်း၊ နယ်သာလန်လူမျိုးများတည်ဆောက်ခဲ့သည့် မြို့တော်ခန်းမဟောင်း Stadthuys (Red Square)၊ Jonker Street ညဈေးတန်းနှင့် Freeport A'Famosa Outlet ရှိကမ္ဘာ့ပထမဆုံး Coach Airways လက်လီအရောင်းဆိုင်တို့ကို သွားရောက်လည်ပတ်ပါမည်။ နေ့လယ်စာကို ဒေသစားသောက်ဆိုင်တစ်ဆိုင်တွင် သုံးဆောင်ပါမည်။ ထို့နောက် မလေးရှားနိုင်ငံ၏ အုပ်ချုပ်ရေးမြို့တော်သစ်ဖြစ်သော Putrajaya သို့ထွက်ခွာပါမည်။ Putrajaya ဗလီ၊ Wawasan တံတားနှင့် မလေးရှားဝန်ကြီးချုပ်ရုံးတို့ကို သွားရောက်လည်ပတ်ကြပါမည်။ (ဝန်ကြီးချုပ်ရုံးအား အပြင်ဘက်မှသာ လည်ပတ်ပါမည်)။ မွန်းလွဲပိုင်းတွင် ကွာလာလမ်ပူသို့ ပြန်လည်ထွက်ခွာပါမည်။ Iconic River of Life နှင့် Petronas Twin Tower တို့တွင် အမှတ်တရဓာတ်ပုံများရိုက်ကူးပြီးနောက် KLCC တွင်စျေးဝယ်ထွက်ကြပါမည်။ ညစာကိုဒေသစားသောက်ဆိုင်တစ်ဆိုင်တွင် သုံးဆောင်ပြီး ဟိုတယ်သို့ Check In ဝင်ရောက်ကာ တစ်ညတာအိပ်စက်အနားယူပါမည်။ 

ဟိုတယ်တွင် မနက်စာသုံးဆောင်ကြပြီးနောက် အမြင့် (၄၃)မီတာရှိ ဟိန္ဒူနတ်ဘုရားရုပ်တုကြီးနှင့် ဘုရားကျောင်းများတည်ရှိရာ Batu Cave နှင့် ရိုးရာပါတိတ်အထည်များ ထုတ်လုပ်ရာ ပါတိတ်စက်ရုံတို့ကို သွားရောက်လည်ပတ်ကြပါမည်။ ဆက်လက်ပြီး ပင်လယ်ရေမျက်နှာပြင်အထက် မီတာ(၂၀၀၀)တွင်တည်ရှိသော မလေးရှားနိုင်ငံ၏တစ်ခုတည်းသော လောင်းကစား resort ဖြစ်သည့် Genting Highlands သို့ ကေဗယ်ကားဖြင့်သွားရောက်ကြပါမည်။ နေ့လယ်စာကို Sky Avenue shopping mall ရှိ စားသောက်ဆိုင်တစ်ဆိုင်တွင် သုံးဆောင်ကြပြီးနောက် Genting Highlands နှင့် Genting Sky Worlds Theme Park တို့တွင် မိမိအစီအစဉ်ဖြင့် လည်ပတ်ဆော့ကစားနိုင်ကြပါသည်။ ထို့နောက် ကမ္ဘာ့အကြီးဆုံးဟိုတယ်ဖြစ်သော အခန်းပေါင်း (၇၃၅၁)ခန်းရှိသည့် The First World Hotel တွင် အေးချမ်းစွာအိပ်စက်အနားယူကြပါမည်။ 

ဟိုတယ်တွင် မနက်စာသုံးဆောင်ကြပြီးနောက် ကွာလာလမ်ပူမြို့သို့ ကားဖြင့်ထွက်ခွာကြပါမည်။ ကွာလာလမ်ပူမြို့သို့ ရောက်ရှိပြီးနောက် နေ့လယ်စာသုံးဆောင်ရန် ဒေသစားသောက်ဆိုင်တစ်ဆိုင်သို့ သွားရောက်ကြပါမည်။ ထို့နောက် လူပေါင်း (၁၅၀၀၀) ခန့်ဝတ်ပြုနိုင်သော မလေးရှားအမျိုးသားဗလီ၊ လွတ်လပ်ရေးရင်ပြင်နှင့် Sultan Abdul Samad Building, ဘုရင့်နန်းတော်သစ် (အပြင်ဘက်မှသာ), Chocolate House နှင့် Thean Hou တရုတ်ဘုံကျောင်းတို့သို့ သွားရောက်လည်ပတ်ပြီးနောက် Sunway Velocity Mall တွင် ဈေးဝယ်ထွက်ကြပါမည်။ ညစာကို ဒေသစားသောက်ဆိုင်တစ်ဆိုင်တွင် သုံးဆောင်ပြီးနောက် ဟိုတယ် check-in ဝင်ရောက်ပြီး အေးချမ်းစွာအိပ်စက်အနားယူပါမည်။

ဟိုတယ်တွင် မနက်စာသုံးဆောင်ကြပြီးနောက် ကွာလာလမ်ပူအပြည်ပြည်ဆိုင်ရာလေဆိပ်သို့ သွားရောက်ကြပါမည်။ ထိုမှတဆင့် ရန်ကုန်မြို့သို့ လေကြောင်းခရီးဖြင့်ထွက်ခွာကြပြီးနောက် ရန်ကုန်အပြည်ပြည်ဆိုင်ရာလေဆိပ်သို့ ညနေပိုင်းတွင် ပြန်လည်ရောက်ရှိကာ ပျော်ရွှင်ကြည်နူးဖွယ်ခရီးစဉ်လေးကို အဆုံးသတ်ပါမည်။